Awˬ hkuiˉ puiˬ liꞈ mehˆ hpfuhˇ

Haꞈ yuˬ laˇ ve yoˬ.

Laˇhuˍ iˉ kaˆ tuˍ ve Hkriꞈ yaˇ awˬ moˬ lonˉ ve liꞈ mehˆ hpufhˇ hk'aw lo ca guiˇ la ve teˇ g'aˇ le le awˬ bon uiˍ ve yoˬ. Awˬ moˍ lonˉ htaꞈ caˉ daꞈ ve awˬ lawn teˇ hpaˍ, te k'ai tuˬ ve awˬ lawn teˇ hpaˍ htaꞈ shiˍ hpehꞈ ve yoˬ. Awˬ mo lonˉ awˬ vuiˬ yuˬ leh te tawˆ taˍ ve liꞈ k'oˆ teˇ hpaˬ maˇ k'oˆ, awˬ kaˬ awˬ nu awˬ bon cawˬ tuˬ liꞈ k'oˆ teˇ hpaˍ htaꞈ g'aw nyi awˬ g'aˇ yuˬ hpehꞈ ve yoˬ. Liꞈ hkawˇ teˇ hpaˍ na ve maˬ k'oˆ, Liꞈ hpu htaꞈ g'aw ve maˇ k'oˆ, Liꞈ hpu g'aw taˬ ve awˬ hkawˇ htaꞈ ceh na gaˇ kaꞈ hpehꞈ ve yoˬ. Laˇhu liꞈ maˇ shiˍ sheˍ ve teˇ hpaˍ htawˇ Laˇhuˍ liꞈ henˇ g'a tuˬ pon keu laˇ taˬ ve yoˬ. Awˬ tcuhˉ awˬ yanˇ lehˬ hawˬ daꞈ ve liꞈ k'oˆ teˇ hpaˍ, awˬ lawn teˬ hpaˍ htaꞈ g'aw leh awˬ g'aˇ yuˬ k'ai g'a tuˬ co caˇ chehˇ ve yoˬ.